恆發雞蛋仔 － 脆脆雞蛋仔

一排無食過雞蛋仔。這晚在紅磡，回家前專登走去民泰街搵「媽咪」。可惜沒想到10點已經收了鋪，失望地離開時看到街尾這間「恆發雞蛋仔」。反正從來都未幫襯過，一於give it a try吧。

雖然店面叫「恆發雞蛋仔」，但原來除了雞蛋仔和夾餅外，還有魚蛋、腸仔等小食，粉麵和三文治等，就像一間小食店，只是不設座位。

原味雞蛋仔1底$13，2底$24。另外有5款加料選擇，包括芝麻（$3），芝士夾心（$3），朱古力粒夾心（$4），紅豆泥夾心（$4）和芋頭泥夾心（$6）。

我就選了芝麻雞蛋仔（$16）。阿姐收到order後即製，前後都有等了約10-15分鐘。

熱辣辣又香噴噴的雞蛋仔拿在手真開心^^ 粒粒雞蛋仔賬卜卜，外層很脆（不過部分邊位有點硬），內裏軟心，質感做得很不錯。味道雖然蛋香不算很突出，加進了黑芝麻和白芝麻，食起來頗香，而且勝在甜度不高。整體來說，這雞蛋仔是好吃的。

阿姐服務態度有禮貌又醒目，雖然店內環境有點'呢啡'，尚算衛生。

EAT hard PLAY hard's 心愛度: ♥♥♥♥

❦❦❦❦❦❦❦❦❦❦❦❦

恆發雞蛋仔 
Address: 香港紅磡民泰街39號地下鋪