Harbourside -貴精又貴多的Sunday brunch

早前幾個月都密密飛，幾乎一半時間都不在香港。難得的一個weekend在港，便與朋友齊齊去尖沙嘴洲際酒店的Harbourside享受個Sunday brunch。

這裡樓底超高，加上大落地玻璃，空間感和自然光充足，加上餐廳內的植物，身處這裡心情都自自然然輕鬆起來。

Harbourside的週日早午餐由11:30am至3pm連汽水及果汁暢飲每位＄808，如果有興趣來點酒精的話，就算包暢飲香檳，紅、白餐酒和啤酒都只需每位＄858。而我們當然不用多作考慮，一於來個開心香檳週日吧。

這裡serve 的香檳是Perrier-Jouët巴黎之花的NV Grand Brut，果香清新。對住窗外藍天飲香檳，邊欣賞星光大道加對岸的維港景色，雖然這日身在香港，度假feel又啟動了～

長長的食物枱上無論冷盤，刺身，凍海鮮，熱葷等每款選擇都好多，好吸引！

沙律和鮮榨果汁都有好多選擇，想食得較健康清新的朋友也有不少好選擇呢。

而刺身就有魷魚，吞拿魚，三文魚和甜蝦等，另外亦有約10款卷物和冷麵。

推介西班牙風乾陳年火腿，鹹香中帶油脂甘香，不要錯過唷。此外其他風乾牛肉，肉腸等多款凍肉亦都不錯。

芝士迷來到就一定會很開心，因為芝士都有10幾款呢。

至於最吸引我的，就是冰鎮海鮮！龍蝦，青口，翡翠螺，阿拉斯加長腳蟹，法國睡蟹，珍寶大蝦還有帶子等，每款吃2件都已經很夠飽又滿足。

龍蝦肉質爽甜，啖啖鮮美，我更encore了呢。

熱葷有烤牛，片皮鴨，即煎鴨肝，點心，燉湯，天婦羅，印度咖喱等，亦有中式熱海鮮。

外面食物枱的食物真的已經很豐富了，但Harbourside這裡自助餐還有一個特別“Pass Around”安排，12點至2點期間每半小時有服務員帶著不同特色小食或飲品走遍每枱，雞尾酒，意大利薄餅，鵝肝松露包和出爐蛋撻等。可惜胃納不大，吃完這些特色Pass Around小食和冰鎮海鮮後已經很飽了，面對熱葷無能為力，因為要留返僅有的quota給甜品。

一向聽聞洲際Harbourside自助餐除了海鮮吸引外，甜品亦是另一重頭戲。看到眼前這個甜品陣容就明白了。款式應該有超過50款吧，真的超多，而且賣相都好吸引呢！

色彩繽紛的西式蛋糕和果撻，就算太飽食不落，單單看看已經夠開心！

中式餅點和雪糕都好幾款選擇呢～

週日面對開陽美景，與好友邊傾傾計、邊飲香檳和各式美食，實在夠悠閒寫意。

Harbourside的Sunday brunch雖然定價連加一要約＄900一位（不過很多時都會有信用卡折扣優惠），但食物款式之多真讓人看得眼花繚亂，而且難得出品水準都是既貴精、又貴多，連我這個非自助餐迷都覺得頗值得偶爾一吃呢！吃完這超豐富的早午餐，飽足得那晚連晚餐也不用食～

EAT hard PLAY hard's 心愛度: ♥♥♥♥

❦❦❦❦❦❦❦❦❦❦❦❦

Harbourside 灣畔餐廳
Address: 香港尖沙嘴梳士巴利道18號香港洲際酒店下層

Tel：（+852）2313 2323